سرايا العرين هي فصيل يقع مقره الإساسي بمنطقة القرداحة في محافظة اللاذقية. الفصيل بقيادة يسار طلال الأسد من بيت الأسد في المنطقة وكان الفصيل مستقلاً ولكنه حاليا تابع لقوات الدفاع المحلي (المدعومة إيرانياً). وانا قمت بإجراء مقابلة مع أحد اصدقائي في سرايا العرين عن تأريخ التشكيل والوضع الحالي.
ملاحظة: أي توضيح تحريري في المقابلة بين أقواس معقوفة.
س: ممكن تقلي أول شي عن سيرتك? يعني شو كنت تشتغل قبل الإزمة? ومتى انضميت إلى سرايا العرين?
ج: كنت أشتغل حلاق وبعدين إنضميت الى سرايا العرين.
س: يعني سرايا العرين هاي أول مرة انت حملت سلاح ضد الإرهاب?
ج: أي.
س: تقريباً في أي سنة?
ج: ٢٠١٦ تطوعت.
س: ممكن أسال في أي مناطق قاتلت?
ج: بالدير والبوكمال والميادين وحماة والتنف.
س: وهلا انت ع إجازة?
ج: أي.
س: الي ينضم إلى سرايا العرين هذا بمثابة خدمة العلم في الجيش العربي السوري?
ج: أي. دفاع محلي. تابع لخدمة العلم بالجيش العربي السوري.
س: أي بالضبط. يعني تابع للحرس الثوري وبنفس الوقت ع سجلات الجيش والقوات المسلحة.
ج: أكيد [تابع] لقوات الدفاع المحلي. بس ع التسوية والحمد لله التسوية تمت.
س: يعني وقت انضميت إلى سرايا العرين كنت مطلقب لخدمة العلم?
ج: لا ما كنت مطلوب. إنضميت قبل ما انطلب. انا رفيقي كان فيها وانا انضميت معه.
س: أي. يعني إنضميت ع إقتراح فريقك في السرايا.
ج: رفيقي كان فيها قبلي وانا قلتلو بدي أنضم معك. ع إقتراح رفيقي, أي.
س: كمان الرواتب منيحة لان الأصدقاء مسؤولون عنها.
ج: الرواتب منقبض ع المصرف التجاري ع بطاقة صراف. الرواتب من الأصدقاء.
س: نعم. كمان التدريبات من الاصدقاء صح?
ج: نعم.
س: من المعارك التي شاركت فيها ما كان اشرس معركة? مثلا معركة البوكمال?
ج: أي. معركة البوكمال وحماة والميادين.
س: أي يعني سرايا العرين شاركت في تحرير البوكمال والميادين ع ما أعتقد.
ج: نعم أكيد.
س: معركة حماة متى كانت هاي المعركة? هاي السنة يعني?
ج: أي هاي السنة. معركة حماة كانت قوية بريف حماة طبعا.
س: أي. ما هي المهمة القادمة للسرايا? معركة إدلب?
ج: بإذن الله معركة إدلب.
س: بس حالياً المهمة تثبيت المواقع في دير الزور?
ج: حاليا مواقع الدير تم توقيف المهام. خلصنا من الدير. والان بإذن الله ع إدلب.
س: أي يعني بسبب تأمين المنطقة?
ج: تم تأمين المنطقة بالكامل. والميادين نصف المدنيين رجعوا إليها والدير كمان وهلق الجيش مثبت فيها.
س: أي تمام. عندك رسالة للمسلحين في إدلب,
ج: النصر قريب بإذن الله. هاد الشي الي بدي اقلن ياه. النصر قريب بإذن الله.